Господи Боже наш, Боже многомилостиве и милосердне!
Слезы скорбящих отымаяй, недугующия восставляяй и страхом одержимыя крылома благости твоея покрываяй.
Паки и паки очи и руцы наша имамы к милости Твоей обращенне вызывающе молим Тя:
— о всех, в ихже домы скорбь прииде брани сея ради,
— о всех, иже под воздушными брани быша во областех
-Белгородстей
-Брянстей
-Днепропетровстей
-Донецтей
-Запорожстей
-Луганстей
-Киевстей
-Львовстей
-Курстей
-Московстей
-Николаевстей
-Одесстей
-Полтавстей
-Саратовстей
-Сумстей
-Харьковстей
-Херсонстей
-Черниговстей;
— о Волчанска, Купянска, Часова Яра, Торецка, Нью-Йорка, Покровска и страны его, Угледара, Суджи, Коренева, Снагости и прочих градов и селений жителех, в них же ныне брать великая бывает.
Погибшия упокой, раненыя исцели, с плачущими милосердием твоим пребудь, сродники и ближния потерявшим Сам буди утешение, иже хлеба насущнаго лишишася укрепи.
Се, Господи, пред лицем твоим братья и сестры наша, иже о жертвех попечение имут, алчущыя питают, озлобленных укрепляют. Помози им, укрепи, охрани их от належащих бед.
Вои милосердию научи, да люди мирныя от всякого зла сохраняя немощным и престарелым полезная подают.
В ихже селения брань вниде – сохрани, настави на верен путь и страха опасного избавь.
Молимся тебе, Господи, за скоты и птицы, брани ради сея страждущия гладом или жаждею или страхом. Сами себе не могут сии напитати, но ты сам питатель и защитник им буди.
Молимся тебе, Господи, за православныя христианы земли Украинския, страхом и ненавистию разделенныя. Наипаче просим тя за члены Украинския православныя церкве в судищех и темницех, гонениих и страхованиях пребывающих. Молимся тебе о гласных градских и защитницех церковных, о правде братий и сестер своих ради ревнующия.
Помози, Господи, людям православным в земле Украинской не насильством, но верою и любовию стати едины и чистым сердем вкупе Тя славити.
Господи, пребуди и с братьями и сестрами нашими, слово еже о мире и ныне дерзновенне глаголющыми. Не остави и иже заповедь Твою исполньше от кесаря пострадаша: изгнани, в темницех или пенями. Не остави и иереи Твоя, за проповедь мира Твоего запрещенныя и изверженныя.
Даруй, Господи, крепости мужем российским, брани сей приобщатися отрицающимся и нуждение от начальник своих презирающим. Путь верен им покажи, намерения укрепи, от греха убийства огради, в домы своя живы и неповреждены возврати.
Пребуди, Господи, еще с иже в Украинской стране отстаивающими власть не прикасатися мечем, веры и правды ради. Даруй мудрости их начальником и судиям; их же самих умудри, како любовь и призрение о ближних своих творити, по глаголу Божию и велению сердца.
Всем, во дни брани сея плененным свобождение даруй, к семьям возврати и от будущего кровопролития избавь, стражей же их милосердию и состраданию научи.
Милосердне Господи, даруй всем людем в Украине и России мир. Умягчи сердца ожесточенных, ненавистью недугующия исцели, жажду отмщения в сердцах угаси. Сохрани вся, во бранями сими охваченных землях живущия, и изгнанником помози.
Ниспосли помышление о мире в сердца власть имущих, в сердца враждующих вложи дух мира и прощения. Подаждь властем страны нашея прозрение и покаяние да узрят греси свои и зло, еже суть сотворили, и направят стопы своя на пути уврачевания язв, яже от них бысть.
Ты бо еси Царь мира, и мира Твоего несть предела, и Тебе слава и благодарение и поклонение от всех да возсылается, и ныне, и присно, и во веки веков. Аминь.
