Господи Боже наш, Боже многомилостиве и милосердне!
Слезы скорбящих отымаяй, недугующия восставляяй и страхом одержимыя крылома благости твоея покрываяй.
Се ныне ужасаются сердца наши, зряще брань ныне творимую яко язву поражающая земли наша день от дне.
Братия и сестры наша во Судже и стране ея иже по вся дни трудишася и почиваша, младенцы наставляша и скот питаша инии ныне абие странницы и пришельца обретошася, овии же страхом убояшася брани близкия и смерти напрасныя ради.
И ныне скорбь единоплеменник наших зряще паче разумехом Украины жителей болезни и страсти во ихже грады и веси брань великая прииде.
Сего ради очи и руцы наша имамы к милости Твоей обращенне и вызывающе молим Тя:
— о всех, в ихже домы скорбь прииде брани сея ради,
— о всех, иже под воздушными брани быша во областех
Белгородстей
Воронежстей
Днепропетровстей
Донецтей
Запорожстей
Липецтей
Луганстей
Киевстей
Курстей
Николаевстей
Одесстей
Орловстей
Сумстей
Харьковстей
Херсонстей
и во стране
Крымстей,
— о Волчанска, Часова Яра, Торецка, Нью-Йорка, Красногоровки, Угледара, Покровска, Суджи, Коренева, Снагости и прочих градов и селений жителех, в них же ныне брать великая бывает.
Погибшия упокой, раненыя исцели, с плачущими милосердием твоим пребудь, сродники и ближния потерявшим Сам буди утешение, иже хлеба насущнаго лишишася укрепи.
Вои милосердию научи, да люди мирныя от всякого зла сохраняя немощным и престарелым полезная подают.
В ихже селения брань вниде — сохрани, настави на верен путь и страха опасного избавь.
Молимся тебе, Господи, за православныя христианы земли Украинския, страхом и ненавистию разделенныя. Наипаче просим тя за члены Украинския православныя церкве в судищех и темницех, гонениих и страхованиях пребывающих. Наипаче же о заключенном митрополите Арсении, о гласных градских и защитницех церковных.
Молимся тебе, Господи, за скоты и птицы, брани ради сея страждущия гладом или жаждею или страхом. Сами себе не могут сии напитати, но ты сам питатель и защитник им буди.
Се, Господи, пред лицем твоим братья и сестры наша, иже о жертвех попечение имут, алчущыя питают, озлобленных укрепляют. Помози им, укрепи, охрани их от належащих бед.
Милосердне Господи, даруй всем людем в Украине и России мир. Умягчи сердца ожесточенных, ненавистью недугующия исцели, жажду отмщения в сердцах угаси. Сохрани вся, во бранями сими охваченных землях живущия, и изгнанником помози.
Ниспосли помышление о мире в сердца власть имущих, в сердца враждующих вложи дух мира и прощения. Подаждь властем страны нашея прозрение и покаяние да узрят греси свои и зло, еже суть сотворили, и направят стопы своя на пути уврачевания язв, яже от них бысть.
Ты бо еси Царь мира, и мира Твоего несть предела, и Тебе слава и благодарение и поклонение от всех да возсылается, и ныне, и присно, и во веки веков. Аминь.
